Me venn de rid

Giuri, me venn de rid
per la gran confusion
che gh’è in sti dì, in America,
doe hinn drée a fa i elezion.

E me venn de pensà:
Teh! Varda che success !
Gh’è tutt meccanizzaa,
se capiss nient istess!

Hann votaa coi busitt,
per fà el noeuv president,
nun votomm coi matitt,
là se capiss pù nient!

Mì me domandi: Oh, gent!
Ma quell ch’el vinciarà,
m’el farà a vess content,
se l’ha vinciuu a metà?

Va ben ch’el cadreghin,
anzi la gran poltronna
l’è nò on ciccolatin,
l’è come ona coronna!

-President tutti e dùu!-
Inscì doarien decid
e se ne parla pù!
Però me venn de rid.

 Novembre 2000